[17.VIII.05] Merkurdie
Dio di santulo Hiacinthos.
DIO-PROVERBO :- Facilesas kritikar, desfacile plubonigar.
ZODIAKO :- En la zodiako-signo di la Leono guvernata dal Suno.
VETERO :- Blua e sunoza cielo, cajorne, en Francilia
KONCIZE
GREKIA :- Boeing 737 : adminime 25 personi esis vivanta lor l'aviono-aplasto
La falo, sundie, dil Chiprana Boeing 737 proxim Athina, qua produktis 121 mortinti imputesas "probable" a la karburajo-indijo dil dicita mashino, tale anuncis, hiere, reprezentanti dil Greka guvernerio. La unesma 25 viktimi di qui la kadavri examenesis medikale , inter li trovesis la kunpilotisto, "esis omni vivanta ye l'instanto dil aplasto", tale savigis la esquado di la legale yurizita mediki laboranta tafelde.
ALJERIA :- La salafisti rekomendas ataki en Francia
La salafista Grupo por la prediko e la kombato (GSPC) Aljeriana, advokis la Mohamedisti rezidanta en Francia atakar la responsivi havanta ligili kun la Aljeriana guvernerio qui lojas en Francia, segun komunikajo olqua dissavigesis, hiere.
PORTUGAL :- 2 200 pumpisti mobilizesas
Deki de incendii, inter oli dek qui esas importanta, mobilizigis, hiere, plu kam 2 200 pumpisti e 176 militisti. La maxim granda incendio, olta di Casal da Lapa, mez-Portugal, aktiva depos saturdie, ja destruktis kin habitaji e devastis 20 000 hektari de sulo.
ALTRA TITULI
PERU : La nova chefa ministro nomesas Pedro Kuczynski.
AFGANIA : Dek-e-sep mortinti lor la falo di helikoptero.
VENEZUELA : 152 Franci perisas lor avionala aplasto en Venezuela.
ALTRA RET-PAGINO POR INFORMI : NOVAJETI
Kordiala interretala saluti ad omni.
JM
- -:::